မြစ်ရေတက်မှုကြောင့် ကမ်းနားလမ်းမြေထိန်းနံရံနှင့် ပလက်ဖောင်းလက်ရန်းများပြို

Sunday, September 15, 2013

စစ် ကိုင်းမြို့ ပိုးတန်းရပ် ဖောင်တော်ပဲ့ ဘုရားအနီး ဧရာဝတီမြစ်ကမ်းနား လမ်း မြစ်အတွင်းမြေထိန်းကျောက် စီနံရံမှာ ရေလှိုင်းကြောင့် အိပဲ့ရာ မှ လမ်းပလက်ဖောင်းနှင့် လက် ရန်းများ ပြိုကျမှုဖြစ်ပေါ်ကြောင်း မင်းလမ်းရပ်ကွက် ရေတင်စက် ရုံမှ သိရသည်။

''စက်တင်ဘာ၁၂ရက် ည ပိုင်းမှာပြိုကျတာပါ။ အဲ့ဒီနားမှာ သင်္ဘောကြီးတစ်စင်း ဖြတ်ခုတ် သွားတယ်လို့သိရတယ်။ အဲ့ဒီက ရိုက်တဲ့ရေလှိုင်းဒဏ်ကြောင့်
မြေ ထိန်းကျောက်စီနံရံ အိပြီးပဲ့ကျ တယ်။ လမ်းပလက်ဖောင်းအောက် ကမြေသားတွေ ပဲ့ကျသွားတယ်။ ပလက်ဖောင်းမှာရှိတဲ့ လက်ရန်း တွေလဲ ပျက်စီးမှုဖြစ်ပေါ်တယ်'' ဟု အဆိုပါနေရာတွင်သဲအိတ် များဖြည့်တင်းနေသော အလုပ် သမားတစ်ဦးက ပြောသည်။

ကျောက်စီနံရံအိပဲ့ပြိုကျမှု မှာ ပေ၃ဝခန့်ရှိသည်။ ဧရာဝတီ မြစ်ရေမှာ စစ်ကိုင်းမြို့၏စိုးရိမ် ရေမှတ်အထက် ရောက်ရှိနေသည့် အပြင် စစ်ကိုင်းမြို့နှင့် တစ်ဖက် ကမ်းရှိ ဒုဋ္ဌဝတီမြစ်ရေမှာ စိုးရိမ်ရေ မှတ်အထက် လွန်ခဲ့သည့်သုံးရက် ခန့်က စတင်ရောက်ရှိနေသဖြင့် စစ်ကိုင်းမြို့နေရာတွင် စိုးရိမ်ရေ မှတ်အထက် ရောက်ရှိနေခြင်းဖြစ် သည်။ ဧရာဝတီမြစ်ရေမှာ လွန် ခဲ့သည့်သုံးနှစ်ခန့်မှစတင်၍ ရေ တိုးမှု အနည်းအကျဉ်းသာရှိခဲ့ရာ ယခုနှစ်တွင် ရေတိုးမှုအများဆုံး ဖြစ်ပေါ်ခဲ့သည်။ ယခုနှစ်ရေကြီး မှုကြောင့် ကမ်းနားလမ်း မြေထိန်း နံရံအထိ ရောက်ရှိခြင်းဖြစ်ကြောင်း သိရသည်။

ယခုအခါ ပျက်စီးစပြုနေပြီ ဖြစ်သော ကမ်းနားလမ်းကျောက်စီ မြေထိန်းနံရံကို ရေတိုက်စားမခံရ ရန်အတွက် ဝါးဝင်းထရံများ ကာရံ ၍ သဲအိတ်များချကာ ပိုးတန်း ရပ်ကွက် အုပ်ချုပ်ရေးမှူးရုံးနှင့် မြို့နယ်စည်ပင်သာယာရေးအဖွဲ့ မှ ဆောင်ရွက်လျက်ရှိသည်။