1:29 AM
sayarchan.blogspot.com
ကမ္ဘာကျော် ကားကုမ္ပဏီ တစ်ခုဖြစ်သည့် အမေရိကန် အခြေစိုက် Chevrolet ကုမ္ပဏီ အနေဖြင့် ဒီဇင်ဘာ လဆန်းပိုင်းတွင် ရန်ကုန်၌ကားအရောင်းပြခန်းများ၊ ဝန်ဆောင်မှု စင်တာနှင့် ယာဉ်အပိုပစ္စည်းများ ပါဝင်သည့်ှ၃ စင်တာ ဖွင့်လှစ်နိုင်ရန် စီစဉ်လျက်ရှိကြောင်း AA Medical Products Ltdမှ တာဝန်ရှိသူ တစ်ဦး၏ ပြောပြချက် အရ သိရသည်။
အဆိုပါ ကားကုမ္ပဏီ အနေဖြင့် အမေရိကန် အခြေစိုက် General Motor၏ ကုမ္ပဏီ တစ်ခုဖြစ်ပြီး မြန်မာနိုင်ငံတွင် Chevrolet ကားများ ဖြန့်ဖြူး ရောင်းချရန်နှင့် ဝန်ဆောင်မှု ပေးခြင်းလုပ်ငန်းများ ဆောင်ရွက်ရန် အတွက် Pacific Alpine Ltd.နှင့် သဘောတူညီချက် ရထားကြောင်း သိရသည်။
ထို့အပြင် Pacific Alpine နှင့် Pacific-AA Motor တို့ကို စင်ကာပူ အခြေစိုက် AlpineGroup နှင့် မြန်မာနိုင်ငံ AA Medical တို့ အကျိုးတူ ပူးပေါင်းခြင်း ဖြစ်ကြောင်း သိရသည်။
Chevrolet သည GM ၏ ကားအမှတ်တံဆိပ် တစ်ခုဖြစ်ပြီး ၁၉၁၁ ခုနှစ်တွင် အမေရိကန် နိုင်ငံ Detroit မြို့တွင် တည်ထောင်ခဲ့ပြီး နိုင်ငံပေါင်း ၁၄ဝ ကျော်တွင် လုပ် ငန်းများ ဆောင်ရွက်လျက် ရှိရာတစ်နှစ်လျှင် လူစီးကား အမျိုးမျိုးနှင့် ကုန်တင်ယာဉ် လေးသန်းကျော်ရောင်းချလျက် ရှိကြောင်း သိရသည်။
Chevrolet ကားအရောင်းပြခန်းကို ဒီဇင်ဘာလဆန်းပိုင်း တွင် ရန်ကုန်မြို့ရှိ ဓမ္မစေတီလမ်းစင်ကာပူ သံရုံးအနီး၌ အရောင်းပြခန်း၊ ဝန်ဆောင်မှု စင်တာနှင့် ယာဉ်အပိုပစ္စည်း ပါဝင်သော S3 စင်တာ ဖွင့်လှစ်မည် ဖြစ်ကြောင်း သိရသည်။
0 comments:
Post a Comment