12:40 AM
sayarchan.blogspot.com
ဇန်
န၀ါရီလ ၁၀ ရက်တွင် နေပြည်တော်ရှိ အမရာဟိုတယ်၌ ကျင်းပခဲ့သည့် အာဆီယံ
ရင်းနှီးမြှပ်နှံမှုဆိုင်ရာ လုပ်ငန်းအကြိုညှိနှိုင်း အစည်းအဝေးပွဲ
၂၀၁၄
ခုနှစ်အတွင်း ကျင်းပမည့် ၆၂ ကြိမ်မြောက် အာဆီယံ
ရင်းနှီးမြှုပ်နှံမှုဆိုင်ရာ လုပ်ငန်းအကြိုညှိနှိုင်း အစည်းအဝေးကို ဇန်န၀ါရီ
၁၀ ရက်က နေပြည်တော်ရှိ အမရာဟိုတယ်၌ ကျင်းပခဲ့ကြောင်း သိရသည်။
ရင်းနှီးမြှုပ်နှံမှုများ
ဆောင်ရွက်ရာတွင် စူးစမ်းလေ့လာ များပြားနေကြောင်း၊ လုပ်ငန်းအကျိုးအမြတ်၊
ပတ်ဝန်းကျင် ထိခိုက်မှုများကို နည်းပါးစေရန် အလေးပေး
ဆောင်ရွက်လျက်ရှိကြောင်း၊ လက်ရှိတွင် အာရှနိုင်ငံများမှ
ရင်းနှီးမြှုပ်နှံမှု များနေကြောင်း၊ အခြားနိုင်ငံ များမှလည်း လာရောက်
လေ့လာမှုများ ရှိနေကြောင်း သိရသည်။
“အခုဆိုရင်
ရင်းနှီးမြှုပ်နှံမှုတွေက အရင်ကထက် အများကြီး တိုးတက်လာတယ်။ ပွင့်လင်းလာတဲ့
အခါကျတော့ အာရှနိုင်ငံတွေ သာမက အမေရိကန်တို့၊ ဥရောပက နိုင်ငံတွေကပါ
လာရောက်စူးစမ်း နေကြပါတယ်။ ဒီမှာရင်းနှီးမြှပ်နှံဖို့ အတွက်ပါ။
ရင်းနှီးမြှုပ်နှံမှု လုပ်ငန်းက ရေရှည်လုပ်ငန်း ဖြစ်တဲ့အတွက် ပထမဆုံး အနေနဲ့
စူးစမ်းလေ့လာကြတယ်။ လုပ်ငန်းလုပ်ကိုင်ရာမှာ လုပ်ငန်းအကျိုးအမြတ်၊
ကျွန်မတို့ နိုင်ငံကရမယ့် အကျိုးအမြတ်၊ ပတ်ဝန်းကျင် ထိခိုက်မှု အလေးထားတဲ့
လုပ်ငန်းရှင်တွေကို ကျွန်မတို့ကလည်း အမြဲကြိုဆို နေပါတယ်” ဟု
ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ ဒုတိယ
ညွှန်ကြားရေးမှူးချုပ် ဒေါ်ချိုချိုဝင်းက ပြောကြားသည်။
အာဆီယံ
ရင်းနှီးမြှုပ်နှံမှု သဘောတူညီချက်များကြောင့် ရင်းနှီးမြှုပ်နှံမှုများ
တိုးတက်လာမည် ဖြစ်သည့်အတွက် အလုပ်အကိုင် ပေါများလာပြီး ၀င်ငွေများ
တိုးတက်လာနိုင်ကြောင်း၊ ကုန်ထုတ်လုပ်မှု တိုးတက်လာပါက
တိုင်းပြည်ဖွံ့ဖြိုးပြီး စီးပွားရေး ဖွံ့ဖြိုးမှုမြန်ဆန် လာမည်ဖြစ်ကြောင်း
ဒေါ်ချိုချိုဝင်းက ပြောကြားသည်။
“ကတိက၀တ်တွေ ရှိလာပြီဆိုရင်
ပူးပေါင်းဆောင်ရွက်မှုတွေ များလာမယ်။
အာဆီယံ-တရုတ်-ကိုရီးယား-နယူးဇီလန်-သြစတြေးလျ နိုင်ငံတွေနဲ့
ရင်းနှီးမြှုပ်နှံမှု ကတိက၀တ်များ ထားရှိထားပါတယ်။ နိုင်ငံခြား
ရင်းနှီးမြှုပ်နှံမှု ဥပဒေလည်း ရှိနေပြီဖြစ်လို့ ရင်းနှီးမြှုပ်နှံမှုတွေက
တိုးလာမှာပါ” ဟု ၎င်းက ပြောကြားသည်။
ပြည်ပရင်းနှီး မြှုပ်နှံမှုများသည်
ယခုဖွင့် ယခုလာရောက်နိုင်ခြင်း မရှိကြောင်း၊ လုပ်ငန်းကြီးများသည်
စူးစမ်းလေ့လာမှုများကို ပြုလုပ်ပြီးမှသာ လာရောက်လေ့ ရှိကြောင်း၊
တစ်ဆင့်ပြီးတစ်ဆင့် တိုးတက်လာခြင်း ဖြစ်ကြောင်း၊ ၀မ်းစတော့ဆားဗစ်
လုပ်ကိုင်မှု အတွေ့အကြုံ များပြားခြင်း မရှိသေးကြောင်း ဆက်လက်
ပြောကြားခဲ့သည်။
၂၀၁၅ ခုနှစ် အာဆီယံ အသိုက်အ၀န်း ပေါ်ပေါက်လာပါက
အာဆီယံနိုင်ငံများ အချင်းချင်း ကုန်စည်စီးဆင်းမှု မြန်ဆန်လာမည် ဖြစ်ကြောင်း၊
လွတ်လပ်စွာ လုပ်ကိုင်လာနိုင်မည် ဖြစ်ကြောင်း၊ ၀န်ဆောင်မှု၊
ရင်းနှီးမြှုပ်နှံမှု၊ ငွေကြေး အရင်းအနှီးများနှင့် ပတ်သက်၍
ပိုမိုလွတ်လပ်စွာ စီးဆင်းနိုင်မည် ဖြစ်ကြောင်း သိရသည်။
Posted in: ပြည်တွင်းသတင်း
0 comments:
Post a Comment