ကွန်ပျူတာရှိပုံများကို လူကဲ့သို့ အာရုံသိနိုင်မည့် ပရိုဂရမ်တစ်ခု တီထွင်နေ

ကွန်ပျူတာမှပုံများကို ၂၄ နာရီပတ်လုံး လေ့လာခြင်းဖြင့် လူများကဲ့သို့ သာမန်အသိတစ်ခုကိုဖြစ်စေသော ကွန်ပျူတာပရိုဂရမ်တစ်ခုကို သိပ္ပံပညာရှင်များက တီထွင်နိုင်ရန် ကြိုးပမ်းနေကြောင်း နိုဝင်ဘာ ၂၆ ရက် က ဘီဘီစီသတင်းဌာနတွင် ဖော်ပြထားသည်။

ယင်းသို့ပြုလုပ်ခြင်းက ကွန်ပျူတာသည် လူသာမန်များကဲ့သို့ လေ့လာနိုင်စွမ်း ရှိ၊ မရှိ သိရှိရန်နှင့် ကွန် ပျူတာကပုံများဖြင့် ချိတ်ဆက်ပြီး ပုံရိပ်ရောင်လောကကို ပိုမိုနားလည်လာစေရန် ရည်ရွယ်သည်။အဆုံး မရှိပုံရိပ်လေ့လာသူ(NEIL) ပရိုဂရမ်ဟုခေါ်သော ယင်းပရိုဂရမ်ကို အမေရိကန်ပြည်ထောင်စု ကာနေဂျီ မယ်လွန်တက္ကသိုလ်တွင် လေ့လာနေခြင်း ဖြစ်သည်။

ပတ်စ်ဘာချိကာကွယ်ရေးရုံး၏ ရေတပ်သုတေသနဌာနနှင့် Google တို့ကလည်း ငွေကြေးထောက်ပံ့ ပေးထားသည်။

ဇွန်လကတည်းက အဆုံးမရှိ ပုံရိပ်လေ့လာသူ(NEIL)ပရိုဂရမ်အရပုံသုံးသန်းကျော်ကို ကြည့်ရှုပြီးဖြစ် သည်။ ရလဒ်အဖြစ် ပုံသန်းဝက်တွင် အရာဝတ္ထု ၁၅၀၀ ကို ခွဲခြားရွေးထုတ်နိုင်ပြီး မြင်ကွင်းထောင်နှင့် ချီပြီးရှိသည့်အနက် ၁၂၀၀ ခန့်ကိုလည်း ခွဲခြားသိနေကြောင်း တွေ့ရသည်။

အဆုံးမရှိ ပုံရိပ်လေ့လာသူ(NEIL) ပရိုဂရမ်ကို ဦးဆောင်နေသူများက သင်ကြားပေးမှုမရှိဘဲ ခက်ခဲသော အရာများ
ဆက်သွယ်မှုကို လေ့လာနိုင်ရန် မျှော်လင့်နေသည်။

ယင်းပရိုဂရမ်က ကွန်ပျူတာအမြင်ကို အသုံးပြု၍ အရာဝတ္ထုများ ခွဲခြားသတ်မှတ်နိုင်ခြင်း၊ အမှတ်တံဆိပ် များကို သိမြင်ခြင်းက ရှိနေပြီဖြစ်သည်။

“ပုံတွေက ပုံရိပ်ရောင်အရာဝတ္ထုတွေကို လေ့လာဖို့ အကောင်းဆုံးပါပဲ”ဟု ကာနေဂျီမယ်လွန် တက္ကသိုလ် မှ သုတေသန လက်ထောက်ပါမောက္ခ အက်ဟင်နေးဂတ်တာက ဆိုသည်။

“လူတွေက သူတို့ဘာသာ သူတို့လေ့လာနိုင်သလိုပဲ။ အဆုံးမရှိ ပုံရိပ်လေ့လာသူ(NEIL) ပရိုဂရမ်က လည်း သူ့ဘာသာသူလေ့လာနိုင်မယ်လို့ မျှော်လင့်ပါတယ်”ဟု ၎င်းကဆိုသည်။

အဆုံးမရှိ ပုံရိပ်လေ့လာသူ(NEIL) ပရိုဂရမ်ကနေ ကွန်ပျူတာလမ်းနှင့် ကားခွဲခြားနိုင်ရန်၊ ဘဲနှင့် ဘဲငန်း ကဲ့သို့သော အရာများကို ခွဲခြားသိမြင်နိုင်ရန် ပြုလုပ်နေသည်။

အဆုံးမရှိ ပုံရိပ်လေ့လာသူ (NEIL) ပရိုဂရမ်ပြုလုပ်ခြင်း၏ ရည်မှန်းချက်မှာ အချက်အလက်များ၊ မြင် ကွင်းများ၊ အရာဝတ္ထုများ၊ လုပ်ရှားမှုများကို အချက်အလက်များ စုဝေးကာ အမျိုးအစားခွဲခြားနိုင်သော ကမ္ဘာ့အကြီးဆုံးဒေတာဘေ့စ်တစ်ခုဖြစ် လာရန်ရည်ရွယ်ထားသည်။ ယင်းသုတေသနတွင် စွမ်းအားမြင့် သော ကွန်ပျူတာအများအပြားလိုအပ်သည်။