NLD ပြောရေးဆိုခွင့် ရှိသူ ဦးဖြိုးဇေယျာသော်က ဒေါ်အောင်ဆန်းစုကြည်နှင့် တွေ့ဆုံဖို့ မရှိကြောင်းနှင့် အမျိုးသားဒီမိုကရေစီအဖွဲ့ချုပ်နဲ့ ပတ်သက်ခြင်းလည်း မရှိပါဘူးလို့ ဗွီအိုအေကို စာနဲ့ လက်မှတ်ရေးထိုး အကြောင်းကြား

ဒေါ်အောင်ဆန်းစုကြည်နှင့် တွေ့ဆုံမည်ဟု OIC ဂျာနယ်ရဲ့ အယ်ဒီတာ မစ္စ မာဟာ အာကီးလ်က ပြောကြားသော်လည်း NLD ပြောရေးဆိုခွင့် ရှိသူ
ဦးဖြိုးဇေယျာသော်က ဒေါ်အောင်ဆန်းစုကြည်နှင့် တွေ့ဆုံဖို့ မရှိကြောင်းနှင့်
အမျိုးသားဒီမိုကရေစီအဖွဲ့ချုပ်နဲ့ ပတ်သက်ခြင်းလည်း မရှိပါဘူးလို့ ဗွီအိုအေကို စာနဲ့ လက်မှတ်ရေးထိုး အကြောင်းကြားခဲ့

အစ္စလာမ်မစ် ပူးပေါင်းဆောင်ရွက်ရေးအဖွဲ့ OIC မြန်မာနိုင်ငံကိုရောက်ရင် အမျိုးသားဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ ကိုယ်စားလှယ်အဖွဲ့နဲ့အတူ လိုက်ပါလာတဲ့ OIC ဂျာနယ်ရဲ့ အယ်ဒီတာ မစ္စ မာဟာ အာကီးလ် က ပြောပါတယ်။

ဒါပေမဲ့ ဒီသတင်းဟာ မဟုတ်မှန်တဲ့အကြောင်း NLD ပြောရေးဆိုခွင့် ရှိသူ ပြည်သူ့လွှတ်တော်
ကိုယ်စားလှယ် ဦးဖြိုးဇေယျာသော်က ဗွီအိုအေကို စာနဲ့ လက်မှတ်ရေးထိုး အကြောင်းကြားခဲ့ပါတယ်။

ဒေါ်အောင်ဆန်းစုကြည်ရဲ့ ပြောခွင့်ရ လွှတ်တော်ကိုယ်စားလှယ် ဦးဖြိုးဇေယျာသော် OIC ခရီးစဉ်နဲ့ပတ်သက်ပြီး ပြောဆိုခဲ့တာကတော့ -

“ကျနော်တို့ အမျိုးသားဒီမိုကရေစီအဖွဲ့ချုပ်နဲ့ ပတ်သက်ခြင်းလည်း မရှိပါဘူး။ ကျနော်တို့တွေ သိရှိခြင်းလည်း မရှိပါဘူး။ အဲ့လိုမျိုးပါပဲ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ တွေ့ဆုံဖို့ အစီအစဉ်ဆိုတာလည်း အခုအချိန်ထိ လုံးဝ မရှိပါဘူးခင်ဗျ။

သူတို့တွေက စတင် လာရောက်ကတည်းကိုက အစိုးရနဲ့ ချိတ်ဆက်ပြီးတော့ပဲ လာရောက်တာပါ။ ကျနော်တို့တွေကို တွေ့ဆုံဖို့ တွေတို့၊ ဆွေးနွေးဖို့တွေတို့ ဒါမျိုး ကမ်းလှမ်းထားခြင်းကိုက ဘာမှ မရှိတာပါ။ လွှတ်တော်အနေနဲ့လည်း ကျနော်တို့ကို ဖိတ်ကြားထားတာမျိုး၊ လွှတ်တော်က ကိုယ်စားပြုပြီးတော့ ဖိတ်ကြားထားတာမျိုးကအစ ကျနော်တို့မှာ မရှိတာပါ။”

Sayar Chan