ဘင်္ဂလားဒေ့ရှ် ရွေးကောက်ပွဲသစ် ကျင်းပရန် ၀န်ကြီးချုပ် ဟာစီနာအပေါ် နိုင်ငံတကာ၏ ဖိအားပေးမှုမြင့်တက်

မြို့တော်ဒါကာမှ ကီလိုမီတာ ၂၆၀ အကွာရှိ ရက်ရှာဟီမြို့လယ် ကွင်းတစ်ခုတွင် မဲပေးရန် ကြိုးပမ်းသူတစ်ဦးအား ဆန္ဒပြသူများက ဇန်န၀ါရီ ၅ ရက်တွင် ရိုက်နှက်နေကြစဉ် (Photo:AFP)


ဇန်န၀ါရီ ၅ ရက်က ကျင်းပခဲ့သော ဘင်္ဂလားဒေ့ရှ် အထွေထွေရွေးကောက်ပွဲတွင် အလွယ်တကူ အနိုင်ရခဲ့သော ၀န်ကြီးချုပ် ရှိတ်ဟာစီနာကို ရွေးကောက်ပွဲသစ် ကျင်းပရန် ဇန်န၀ါရီ ၇ ရက်၌ ဖိအားပေးမှု မြင့်တက်နေချိန်တွင် အတိုက်အခံခေါင်းဆောင် ခါလီဒါဇီယာကလည်း ရန်ဘက်ဖြစ်သည်။ ဟာစီနာသည် “ဒီမိုကရေစီ ပျက်သုဉ်းအောင် လုပ်နေသည်” ဟု စွပ်စွဲခဲ့သည်။

အဓိက အတိုက်အခံ ပါတီဖြစ်သော ဘင်္ဂလားဒေ့ရှ် အမျိုးသားပါတီ (BNP) ၏ ရွေးကောက်ပွဲ သပိတ်မှောက်မှုသည် မိမိ၏ ရွေးကောက်ပွဲ အနိုင်ရခြင်း တရားဝင်မှုအပေါ် ထိခိုက်ခြင်းမရှိကြောင်း ဟာစီနာက ထုတ်ပြန်ခဲ့သည်။ သို့သော် အမေရိကန် ဦးဆောင်သော နိုင်ငံတကာက ဟာစီနာကို အဓိကပါတီအားလုံး ပါဝင်သော ရွေးကောက်ပွဲသစ်အား ပြန်လည်ကျင်းပရန် ဖိအားပေးခဲ့သည်။ BNP ပါတီနှင့် အခြားပါတီ ၂၀ က သပိတ်မှောက်ခဲ့သော ရွေးကောက်ပွဲတွင် မိမိတို့ အနိုင်ရမှုနှင့် ပတ်သက်ပြီး တရားဝင်မှုကို ညှိနှိုင်းမည်ဆိုသော မည်သည့်စိတ်ကူးကိုမဆို ပယ်ချသွားမည်ဖြစ်ကြောင်း ဟာစီနာက ဇန်န၀ါရီ ၆ ရက်တွင် ကြေညာခဲ့သည်။

ဟာစီနာကို ရာထူးမှနုတ်ထွက်ပြီး ရွေးကောက်ပွဲသစ် ကျင်းပရာတွင် အိမ်စောင့်အစိုးရက ဦးဆောင်ရန် ဇီယာက ထပ်မံတောင်းဆိုခဲ့သည်။ ဇီယာသည် ယခင်ကလည်း ယင်းကဲ့သို့ တောင်းဆိုခဲ့ဖူးပြီး ရွေးကောက်ပွဲကို နှောင့်ယှက်ဖျက်ဆီးရန် ထောက်ခံသူများအား မိန့်ခွန်းပြောခဲ့ပြီးနောက် နေအိမ်အကျယ်ချုပ် ပုံစံဖြင့် ထိန်းသိမ်းခံခဲ့ရသည်မှာ သီတင်းပတ်နှစ်ပတ်ခန့် ရှိလာပြီဖြစ်သည်။

ဘင်္ဂလားဒေ့ရှ် အစိုးရသည် အသုံးမ၀င်သော ယင်းရွေးကောက်ပွဲရလဒ်ကို ဖျက်သိမ်းပြီး ရာထူးမှ နုတ်ထွက်သင့်ကြောင်း၊ အတိုက်အခံများနှင့် နားလည်မှုယူပြီး လွတ်လပ်ပြီး တရားမျှတသော ရွေးကောက်ပွဲကို ပါတီဘက်လိုက်မှုမရှိသော အိမ်စောင့်အစိုးရက ကြီးမှူးကျင်းပသင့်ကြောင်း ဇီယာက အစီရင်ခံစာ ထုတ်ပြန်ပြီး တိုက်တွန်းခဲ့သည်။ ထို့ပြင် ရွေးကောက်ပွဲတွင် မဲပေးသူ နည်းပါးခြင်းမှာလည်း ဟာစီနာ အစိုးရအပေါ် ပြည်သူများက “အသံတိတ်တော်လှန်ရေး” ဆင်နွှဲလိုက်ခြင်းဖြစ်ကြောင်း ဇီယာက ရွေးကောက်ပွဲအပြီး ပထမဆုံး မှတ်ချက်အဖြစ် ပြောကြားခဲ့သည်။

ဇန်န၀ါရီ ၅ ရက် ရွေးကောက်ပွဲရလဒ် ပျက်ပြားစေရန် အတိုက်အခံများသည် ဇန်န၀ါရီ ၆ ရက်မှစတင်ပြီး ၄၈ နာရီကြာမြင့်မည့် အထွေထွေသပိတ် ဆင်နွှဲကာ ဖိအားပေးရန် စီစဉ်ခဲ့သည်။ ဘင်္ဂလားဒေ့ရှ် အတိုက်အခံ ထောက်ခံသူ ရာပေါင်းများစွာက မဲရုံများကို မီးရှို့ခြင်း၊ ဖျက်ဆီးခြင်း ပြုလုပ်ခဲ့ချိန်တွင် ရွေးကောက်ပွဲနေ့၌ အကြမ်းဖက် တိုက်ခိုက်မှုများကြောင့် လူ ၂၆ ဦးထက်မနည်း သေဆုံးခဲ့ရာ ဘင်္ဂလားဒေ့ရှ် သမိုင်းတွင် သေဆုံးမှုအများဆုံး ရွေးကောက်ပွဲအဖြစ် မှတ်တမ်းဝင်ခဲ့သည်။

ယင်းရွေးကောက်ပွဲ မတိုင်မီ အာဏာရ အ၀ါမိလိဂ်ပါတီ အမတ်များနှင့် ၎င်း၏မဟာမိတ်ပါတီမှ အမတ်စုစုပေါင်း ၁၅၃ ဦးက အမတ်နေရာ ၃၀၀ ရှိသည့် ပါလီမန်တွင် ယှဉ်ပြိုင်သူမရှိဘဲ အနိုင်ရခဲ့သည်ဟု ကြေညာခဲ့သဖြင့် ယင်းရွေးကောက်ပွဲ၏ တရားဝင်မှုအပေါ် မေးခွန်းထုတ်စရာ ဖြစ်ခဲ့သည်။

ရွေးကောက်ပွဲ ကန့်ကွက်ဆန္ဒပြမှုများတွင် လူသေဆုံးမှုများ ဖြစ်ပွားခဲ့ခြင်းအတွက် ဘင်္ဂလားဒေ့ရ်ှနိုင်ငံ၏ အဓိက အတိုက်အခံ ပါတီကြီးနှစ်ခုအား ကုလသမဂ္ဂက ဇန်န၀ါရီ ၆ ရက်တွင် ဝေဖန်ခဲ့သည်။ ပါတီကြီးနှစ်ခုအနေဖြင့် အဓိပ္ပါယ်ပြည့်ဝသော တွေ့ဆုံဆွေးနွေးပွဲကို ပြန်လည်စတင်ရန်နှင့် သက်ဆိုင်သူအားလုံး ပါဝင်သော နိုင်ငံရေး လုပ်ငန်းစဉ်အတွက် ဘင်္ဂလားဒေ့ရှ် ပြည်သူများ၏ တောင်းဆိုချက်ကို အမြန်ဆုံးဆောင်ရွက်ပေးရန် ကုလသမဂ္ဂ အတွင်းရေးမှူးချုပ် ဘန်ကီမွန်က တိုက်တွန်းခဲ့ကြောင်း ၎င်း၏လက်ထောက် ပြောခွင့်ရပုဂ္ဂိုလ်က ပြောကြားခဲ့သည်။

သွေးထွက်သံယိုမှုများ ဖြစ်ပွားခဲ့သည့် ဘင်္ဂလားဒေ့ရှ် ရွေးကောက်ပွဲအပေါ် စိတ်ပျက်မိကြောင်းနှင့် ပြည်သူများ၏ သဘောထားဆန္ဒကို ထုတ်ဖော်နိုင်သည့် ရွေးကောက်ပွဲသစ် ပြန်လည်ကျင်းပပေးရန် အမေရိကန်အစိုးရက ဇန်န၀ါရီ ၆ ရက်တွင် တိုက်တွန်းခဲ့သည်။ ထို့ပြင် ဘင်္ဂလားဒေ့ရ်ှအား ကိုလိုနီပြုခဲ့ဖူးသော ဗြိတိန်ကလည်း ရွေးကောက်ပွဲ အကြမ်းဖက်မှုများ ဖြစ်ပွားခဲ့ခြင်းအပေါ် ဝေဖန်ခဲ့ကြောင်း သိရသည်။

Posted in: နိုင်ငံတကာသတင်း