ပညာရေး မြှင့်တင်မှု အကောင်အထည်ဖော်ရေး ကော်မတီ လုပ်ငန်းအဖွဲ့ ၁၈ ဖွဲ့၏ ဆွေးနွေးအကြံပြု ချက်များအား လွှတ်တော်သို့ ဇန်န၀ါရီလအတွင်း တင်သွင်းမည်

မြန်မာနိုင်ငံ၏ ပညာရေး မြှင့်တင်မှုဆိုင်ရာ လုပ်ငန်းများကို အနီးကပ် ညှိနှိုင်းဆွေးနွေး ဆုံးဖြတ်ဆောင်ရွက်မှုများ ပြုလုပ်ရန် ဖွဲ့စည်းထားသည့် ပညာရေး မြှင့်တင်မှု အကောင်အထည်ဖော်ရေး ကော်မတီ လုပ်ငန်းအဖွဲ့ ၁၈ ဖွဲ့၏ ဆွေးနွေးအကြံပြုချက်များအား လွှတ်တော်သို့ ဇန်န၀ါရီလအတွင်း တင်သွင်းသွားမည်ဖြစ်ကြောင်း သိရသည်။

ပညာရေး မြှင့်တင်မှု အကောင်အထည်ဖော်ရေး ကော်မတီအား ၂၀၁၃ ခုနှစ် အောက်တိုဘာလ အတွင်းက အဖွဲ့ဝင် ၄၃ ဦး ပါဝင်သည့် အထူးတာဝန်ပေးအဖွဲ့ (Task Force) နှင့် ပညာရှင် ၃၄ ဦး ပါဝင်သည့် အကြံပေးအဖွဲ့ (Advisory Board) တို့ဖြင့် ဖွဲ့စည်းထားခဲ့ခြင်း ဖြစ်သည်။

"ပညာရေး မြှင့်တင်မှု အကောင်အထည်ဖော်ရေး ကော်မတီက နေပြီးတော့ ဆွေးနွေးလို့ရတဲ့ ရလဒ်တွေကို ဇန်န၀ါရီလအတွင်း လွှတ်တော်မှာ တင်ပြသွားမှာ ဖြစ်ပါတယ်။ လက်ရှိ ကျင်းပနေတဲ့ အစည်းအဝေး
တစ်ခုချင်းစီရဲ့ ရလဒ်တွေကို သမ္မတကြီး ကိုယ်တိုင်ကလည်း အလွန်စိတ်ဝင်စားတဲ့အတွက် အစီရင်ခံ တင်ပြထားပါတယ်" ဟု အဆင့်မြင့်ပညာ ဦးစီးဌာန(အောက်မြန်မာပြည်) မှ အဆင့်မြင့် အရာရှိကြီး တစ်ဦးက ပြောကြားသည်။

အဆိုပါ ကော်မတီတွင် မူကြိုပညာရေးဆိုင်ရာ လုပ်ငန်းအဖွဲ့၊ ဘုန်းတော်ကြီးသင် ပညာရေးနှင့် ပညာရေး လုပ်ငန်းများ ဆောင်ရွက်သည့် ဘာသာရေး အဖွဲ့အစည်းများဆိုင်ရာ လုပ်ငန်းအဖွဲ့၊ အခြေခံ ပညာရေးဆိုင်ရာ လုပ်ငန်းအဖွဲ့၊ ဆရာအတတ် ပညာရေးဆိုင်ရာ လုပ်ငန်းအဖွဲ့၊ ကလေးဗဟိုပြု ချဉ်းကပ်သင်ယူနည်းဆိုင်ရာ လုပ်ငန်းအဖွဲ့၊ ကျောင်းပြင်ပနှင့် လူတိုင်းအကျုံးဝင် ပညာရေးဆိုင်ရာ လုပ်ငန်းအဖွဲ့၊ ဥပဒေ ပြုစုရေးဆိုင်ရာ လုပ်ငန်းအဖွဲ့၊ စီမံခန့်ခွဲမှုဆိုင်ရာ အရည်အသွေး မြှင့်တင်ရေး လုပ်ငန်းအဖွဲ့၊ ၀န်ထမ်းစွမ်းရည် မြှင့်တင်ရေးနှင့် စွမ်းဆောင်ရည် အကဲဖြတ်ရေး လုပ်ငန်းအဖွဲ့၊ လက်တွေ့အသုံးချ သုတေသန လုပ်ငန်းများ မြှင့်တင်ဆောင်ရွက်ရေး လုပ်ငန်းအဖွဲ့၊ ပညာရပ်ဆိုင်ရာ ရုပ်ပတ်ဝန်းကျင်ကောင်းများ ကြီးကြပ်ဖြည့်ဆည်းရေး လုပ်ငန်းအဖွဲ့၊ သင်ရိုးညွှန်းတမ်း၊ သင်ရိုးမာတိကာဆိုင်ရာ လုပ်ငန်းအဖွဲ့ (အဆင့်မြင့်)၊ သင်ရိုးညွှန်းတမ်း၊ သင်ရိုးမာတိကာဆိုင်ရာ လုပ်ငန်းအဖွဲ့ (အခြေခံ)၊ အဆင့်မြင့် ပညာရေးဆိုင်ရာ လုပ်ငန်းအဖွဲ့၊ ကျန်းမာရေးဆိုင်ရာ လုပ်ငန်းအဖွဲ့၊ အသက်မွေးဝမ်းကျောင်း ပညာရေးဆိုင်ရာ လုပ်ငန်းအဖွဲ့၊ စိုက်ပျိုးရေး၊ မွေးမြူရေး၊ သစ်တောပညာရေးဆိုင်ရာ လုပ်ငန်းအဖွဲ့၊ သတင်းအတတ် နည်းပညာနှင့် ဆက်သွယ်ရေး ပညာဆိုင်ရာ လုပ်ငန်းအဖွဲ့တို့ ပါဝင်ပြီး သက်ဆိုင်ရာ အဖွဲ့အသီးသီးအလိုက် ပညာရေး မြှင့်တင်မှုဆိုင်ရာ လုပ်ငန်းများကို ဆွေးနွေးလျက် ရှိသည်။

ပညာရေး မြှင့်တင်မှု အကောင်အထည်ဖော်ရေး ကော်မတီ လုပ်ငန်းအဖွဲ့များမှ သက်ဆိုင်ရာ ကဏ္ဍအလိုက် ဆွေးနွေးနေကြစဉ်