12:57 AM
sayarchan.blogspot.com
ပြည်လမ်းရှိ မြန်မာ့အသံနှင့် ရုပ် မြင်သံကြား(ရန်ကုန်)ဝင်းအတွင်း အ ဆောက်အအုံ နှစ်လုံးနှင့် အထပ်မြင့် တာဝါနှစ်ခု တည်ဆောက်ရန် ပြည် တွင်း ဆောက်လုပ်ရေး ကုမ္ပဏီများသာမက နိုင်ငံတကာမှ ဆောက် လုပ်ရေးကုမ္ပဏီ များကိုပါ အိတ်ဖွင့်တင်ဒါ ခေါ်ယူသွား မည်ဖြစ်ကြောင်း သိရသည်။ နိုင်ငံပိုင် ရုပ်သံလိုင်းဖြစ်သည့် မြန် မာ့ အသံနှင့် ရုပ်မြင်သံကြား ကို အသွင် သဏ္ဌာန်ရော၊ အနှစ်သာရပါ ယခင်နှင့် မတူဘဲ နိုင်ငံတကာ အဆင့်အတန်း မီစေရန် အဆင့်မြှင့်ပြောင်းလဲမှုများဆောင်ရွက်ရာတွင် အဆင့်အတန်းမြင့်မားသည့် အဆောက်အအုံများအပြင် နောက်ပိုင်း လိုင်းများ တိုးချဲ့ထုတ်လွှင့် ရန်ရှိသည့်အတွက် တာဝါများမှာလည်း မရှိမဖြစ် လို အပ်ခြင်းကြောင့် ဆော က် လုပ်ရခြင်းဖြစ်ကြောင်း မြန်မာ့အသံနှင့် ရုပ်မြင် သံကြားမှညွှန်ကြားရေးမှူး ဦးမြင့် အောင်က ပြောသည်။
အဆိုပါ မြန်မာ့အသံနှင့် ရုပ်မြင် သံကြားဝင်းသည် ဧရိယာအကျယ် စုစု ပေါင်း ၁၄ ဒသမ ၂၇ ဧကရှိပြီး လက်ရှိ တွင် ၈ ဧကကို အဆောက် အအုံ များ ဆောက် လုပ်သုံးစွဲ ထားပြီး ဖြစ်သည်။ ကျန်ရှိသော မြေဧက ၆ ဒသမ ၂၇ အနက် မူလအဆောက်အအုံများ ထိ ခိုက်မှု မရှိနိုင်သော မြေ ၄ ဧကပေါ်တွင် အဆောက်အအုံနှစ်လုံးနှင့် တာဝါနှစ်ခု ကို ဆောက်လုပ် မည်ဖြစ်သည်။လုပ်ငန်းပမာဏ ကြီးမားသဖြင့် ပြည်တွင်း ပြည်ပ လုပ်ငန်းရှင်များ အား လုံးကိုဖိတ်ခေါ်ထားသည်ဖြစ်ရာ တင်ဒါစည်းကမ်း အပါအဝင် လုပ်ငန်းစဉ်တစ်ခု လုံးကို အပြည်ပြည်ဆိုင်ရာ စံချိန်စံညွှန်း များနှင့်ကိုက်ညီစေရန် အတိုင်ပင်ခံအဖွဲ့ အဖြစ် နိုင်ငံတကာ အသိအမှတ်ပြု Princewaterhouse Coorpers (PwC) အကြံပေးကုမ္ပဏီကို ငှားရမ်း၍ စာချုပ်ချုပ်ဆို ဆောင်ရွက်သွားမည်ဖြစ် ကြောင်း ၎င်းက ပြောသည်။
အထက်ပါ အကြံပေးကုမ္ပဏီသည် နိုင်ငံပေါင်း ၁၅၉ နိုင်ငံရှိ မြို့ကြီးပေါင်း ၇၇၆ မြို့တွင် ရုံးခွဲများ ဖွင့်ထားပြီး ဝန်ထမ်းပေါင်း ၁၈ဝဝဝဝ ကျော်ဖြင့် လုပ် ငန်း လည်ပတ်လျက် ရှိသော ကုမ္ပဏီဖြစ်သည်။ တင်ဒါခေါ်ယူခြင်း၊ တင်ဒါ စည်း ကမ်းများ ဆွေးနွေးခြင်း အပါအဝင် နောက်ဆုံး တင်ဒါအောင်သော ကုမ္ပဏီ ဖြင့် လုပ်ငန်းဆောင်ရွက်ရန်အတွက် ဥပဒေနှင့် ညီသောလိုအပ် သည့် စာချုပ်များ ချုပ်ဆိုရန်အတွက် ၆ လခန့် ကြာ မြင့်မည် ဖြစ်ကြောင်း သိရသည်။
0 comments:
Post a Comment