စစ်တွေလူဦးရေစာရင်းကောက်ခံမှုတွင်လုံထိန်းအင်အားအများအပြားချထားမှုကြောင့်ဒေသခံအချို့ကြောက်လန့်ထွက်ပြေး

စစ်တွေမှာလူဦးရေစာရင်းကောက်ခံတဲ့အခါမှာလုံထိန်းအင်အားကိုပုံမှန်ထက်များစွာချထားတာကြောင့်ဒေသခံအချိုကြောက်လန့်ထွက်ပြေးပြီးစာရင်းမ၀င်တာတွေဖြစ်နေတယ်လို့စစ်တွေဒေသခံတစ်ချို့ကဆိုပါတယ်။

“လုံထိန်းအင်အားက်ိုအများကြီးချထားတော့ဥယျာဉ်သာအုပ်စုကတစ်ချို့ကလေးတွေ၊မ်ိန်းမတွေကထွက်ပြေးတာပေါ့၊ယောက်ျားသားလဲမရှိတော့ကြောက်ကျတယ်၊ပြီးတော့လုံထိန်းတွေက၀တ်စုံအပြည့်အစုံနဲ့၊ဒေသခံအချို့ကဗမာစကားလဲမတက်ဘူး၊ရခိုင်စကားလဲမပြောတက်တော့ကြောက်ပြီးထွက်ပြေးကြတာ”လို့စစ်တွေဒေသခံတစ်ဦးကမြန်မာမွတ်စလင်မီဒီင်္ယာကိုပြောကြားခဲ့ပါတယ်။

ရခိုင်ပြည်နယ်စစ်တွေမြို့နယ်မှာလူဦးရေသန်းခေါင်းစာရင်ကောက်ယူမှုကိုသြဂုတ်လ(၂၃)ရက်နေ့ကစတင်လုပ်ဆောင်ခဲ့ပါတယ်။အဆိုပါလူဦးရေစာရင်းကောက်ယူမှုတွင်လုံခြုံရေးအင်အားကိုပုံမှန်ထက်များပြားစွာချထားတယ်လို့ဒေသခံတွေကဆိုပါတယ်။မှန်စီကွက်စုံနဲ့သက္ကေပြင်ကန့်မှာလုံထိန်းအင်အား၄၀၀မှ၅၀၀၀န်းကျင်ခန့်ရှိပြီးဥယျာဉ်သာအုပ်စုကျေးရွာတွေမှာတော့လုံထိန်းအင်အား၇၀၀မှ၈၀၀ ၀န်းကျင်ချထားတယ်လို့သတင်းရရှိပါတယ်။

လူဦးရေစာရင်းကောက်ယူမှုအတွက်အိမ်တစ်အိမ်ကိုဝင်ရောက်တဲ့အခါမှာလဲလုံထိန်းအင်အား၃၀ ၀န်းကျင်ခန့်က အိမ်ရဲ့ရှေ့နောက်တံခါးတွေမှာနေရာယူထားတာကြောင့်ဒေသခံအချို့ကြောက်လန့်ထွက်ပြေးသွားခြင်းဖြစ်တယ်လို့သိ၇ပါတယ်။ကြောက်လန့်ထွက်ပြေးမှုကြောင့်စာရင်းမ၀င်တဲ့သူ ၃၀ ရာခိုင်နှုန်းလောက်ရှိတယ်လို့သိရပါတယ်။

“လုံခြုံရေးယူတာကိုမပြောလိုပါဘူး၊အိမ်အပြင်မှာပဲလုံခြုံရေးယူပေါ့ခုတော့အကြမ်းဖက်သမားပဲဖမ်းသလို၊သူပုန်ပဲစစ်သလိုလုပ်တော့လူတွေကြောက်ကြတာပေါ့၊အိမ်တစ်အိမ်မှာအလွန်ဆုံးရှိလှမိသားစု၈ယောက်ပေါ့ဒါကိုလူလေးဆယ်လောက်ကလူဦးရေစာရင်းကောက်တော့ကြောက်တာမဆန်းပါဘူး၊တစ်ခုပဲစိုးရိမ်တာကစာရင်းမ၀င်တဲ့သူတွေကိုခိုဝင်ဘင်္ဂလီလို့စာရင်းထည့်မှာစိုးတယ်”လို့ဒေသခံတစ်ဦးကမြန်မာမွတ်စလင်မီဒီယာသို့ပြောပါတယ်။

ရခိုင်ပြည်နယ်အစိုးရအဖွဲ့မှနောက်တစ်ကြိမ်စာရင်းပြန်လည်တိုက်ဆိုင်စစ်ဆေးတဲ့အခါမှာလူဦးရေစာရင်းကောက်ခံမှုမှာစာရင်းမ၀င်တဲ့လူ၃၀ရာခိုင်နှုန်းကိုခိုးဝင်ဘင်္ဂလီအဖြစ်သတ်မှတ်လိုက်မှာကိုဒေသခံတွေစိုးရိမ်နေကြပါတယ်။စစ်တွေမှာလူဦးရေစာရင်းကောက်ခံမှုကိုဧပြီလ၂၆ရက်နေ့မှာပထမအကြိမ်ကောက်ခံမှုရှိခဲ့ပါတယ်။အဆိုပါကောက်ခံမှုတွင်စစ်တပ်နဲ့ဒေသခံဒုက္ခသည်တွေပဋိပက္ခဖြစ်ပွားခဲ့ပါတယ်။ပထမဖြစ်စဉ်ကြောင့်ယခုတစ်ကြိမ်မှာလုံခြုံရေးအင်အားကိုတိုးမြင့်ချထားခြင်းဖြစ်နိုင်တယ်လို့သိရပါတယ်။