သစ်အလုံးလိုက် တင်ပို့မှုရပ်ဆိုင်းပါက မြန်မာ့သစ်လုပ်ငန်း
စိန်ခေါ်မှုနှစ်ခုကို အဓိက ရင်ဆိုင်ရမည် ဖြစ်ကြောင်း မြန်မာ့ သစ်လုပ်ငန်းရှင်များအသင်းမှ ဒုတိယ ဥက္ကဌဦးဘာဘာချိုက
နိုဝင်ဘာလ ၂၈ ရက်ရန်ကုန်မြို့ ချက်ထရီယံဟိုတယ်တွင်
ကျင်းပသည့် ကမ္ဘာလုံးဆိုင်ရာ သစ်နှင့် သစ်တောညီလာခံတွင်
ပြောကြားသည်။
မြန်မာနိုင်ငံအနေဖြင့် လာမည့် ၂၀၁၄ခုဧပြီလမှ စတင်ကာ သစ်အလုံးလိုက်တင်ပို့မှုအား အပြည့်အဝပိတ်ပင် သွားမည်
ဖြစ်ပြီး သစ် အချောတင်ပို့မှုကို သာခွင့်ပြုတော့မည်ဖြစ်ရာ
မြန်မာသစ်လုပ်ငန်းရှင်များအနေဖြင့် အသိ အမှတ်ပြုလက်မှတ် (Certificate)နှင့် တရားဝင် ဖြစ်မှု(Legality) ကဲ့သို့သော
ဈေးကွက်သစ်၏ လိုအပ် ချက်များနှင့် နိုင်ငံခြား ရင်းနှီးမြုပ်နှံ
မှုများ၏ ယှဉ်ပြိုင်မှုမှာ အဓိကစိန်ခေါ်မှု နှစ်ခုဖြစ်လာမည်
ဖြစ်ကြောင်း ၎င်းကပြောသည်။
“မြန်မာသစ်တော တွေဟာ တစ်ခုမှ တရားဝင်မဖြစ်သေး
ပါဘူး” ဟု ဦးဘာဘာချိုက ပြောကြားသည်။
မြန်မာနိုင်ငံ၏ သစ်အချောထည်ဈေးကွက်သစ်ဖြစ်လာမည့် ဥရောပသမဂ္ဂအဖွဲ့ဝင်နိုင်ငံများမှာ ၎င်းတို့ထံတင်ပို့မည့် သစ်
အချောထည် ပစ္စည်းများမှာ တရားဝင်သစ်ဖြစ်မှသာ တင်
သွင်းခွင့်ပြုမည်ဟု မတ်လအတွင်းက ဥရောပ ပါလီမန်က ကန့်သတ်ခဲ့ကြောင်း မြန်မာနိုင်ငံ သစ်တောထောက်ခံချက်
ပြုရေး ကော်မတီမှ ဥက္ကဋ္ဌ ဦးရွှေကျော်က ဆိုသည်။
သဘာဝပတ်ဝန်းကျင် ပျက်စီးလာမှုကြောင့် သစ်ထုတ်လုပ်
ရာတွင် သဘာဝပတ်ဝန်းကျင်ထိခိုက်မှု အနည်းဆုံး ဖြစ်စေရန်
ဆောင်ရွက်ခြင်း အပြင် တခြားရှုထောင့်များစွာဖြင့် သုံးသပ်ကာ
EUက တရားဝင်သစ် ဖြစ်မှုအား သတ်မှတ်ကြောင်း နေပြည်တော် သစ်တောဦးစီးဌာနမှ ဦးစီးအရာရှိ ဦးတင်မိုးက ရှင်းပြသည်။
ဥရောပသမဂ္ဂအဖွဲ့ဝင် နိုင်ငံများသို့တင်ပို့မည်ဆိုပါက တရားဝင် သစ်ဖြစ်ပါကလည်း Forest Law Enforcement Governance
and Trade- FLEGT ကဲ့သို့သော အသိအမှတ်ပြုလက်မှတ်များ လိုအပ် သေးကြောင်း၊ သစ်ထုတ် လုပ်ရာတွင် ပါဝင်သည့် အလုပ်သမားများ အား အလုပ်သမား အခွင့်အရေးနှင့်
ကာကွယ်မှုများ အပြည့်အဝပေး မှုရှိမရှိကိုလည်း ကြည့်ကြောင်း ၎င်းကဆက်လက် ရှင်းပြသည်။
“ဥရောပကို ပို့နိုင်ရင် ကျွန်တော်တို့က အကျိုးအမြတ်များများ
ရမယ်။ ဒါမှမဟုတ်ရင်တော့ သစ်တွေက တရုတ်နဲ့ အိန္ဒိယကိုပဲ
စီးဝင်သွား မှာပဲ” ဟု ဦးတင်မိုးက ဆိုသည်။
မြန်မာနိုင်ငံအနေဖြင့် သစ်တောပြုန်းတီးမှုကို ကာကွယ်ရန် သစ်ထုတ်လုပ်မှုများကို လျော့ချတော့မည် ဖြစ်ပြီး ၂၀၁၃-
၂၀၁၄ ဘဏ္ဍာနှစ် တွင် ကျွန်းသစ်ထုတ်လုပ်မှု ၃၀၆၃၄၀ကုဗ
မီတာနှင့် သစ်မာ ထုတ်လုပ်မှု ၁၄၀၅၅၆၀ ကုဗမီတာ ရှိရာမှ
လာမည့် ဘဏ္ဍာနှစ်တွင် ကျွန်းသစ် ၁၀၈၁၂၀ကုဗမီတာနှင့်
သစ်မာ ၁၂၀၇၃၄၀ ကုဗမီတာသို့ လျော့ချသွားမည်ဖြစ်ကြောင်း
မြန်မာ့သစ်လုပ်ငန်းမှ မန်နေဂျာ ဒေါက်တာ ဦးခင်မောင်ဆင့်က
ပြောကြားသည်။
ရေးသားသူ-ဥာဏ်လင်းထက်
တည်းဖြတ်သူ-နီတိုး
0 comments:
Post a Comment