အလွဲ

တထိတ်ထိတ်နဲ့ရင်ခုန်သံက ပိုလို့ဆူညံလာတယ် ။ အခန်းမီးရောင်က မှိန်ပြပြမို့ သေချာဘာမှမမြင်ရပါဘူး ။ ဟုတ်တယ်လေ ဒီအခြေအနေရောက်အောင်ကိုယ်ပဲဖန်တီးထားတာ သိတယ်မဟုတ်လား မနေ့ကတည်းက လင်းထိန်နေတဲ့မီးလုံးတွေအကုန်ဖြုတ်ပြီး အပြာနုရောင် မီးလုံးလေးတွေချည်းရွေးတယ်ထားခဲ့တာ ။ အချိန်ကိုကြည့်လိုက်တော့ ည ဆယ်နာရီ ၂၂ မိနစ်တိတိ ။ အခန်းတစ်ခုလုံးက အပ်ကျသံပင်ကြားရလောင်တိတ်ဆိတ်နေတယ် ။ အခန်းထဲ ကို ၀င်ဖို့ ခြေဦးလှည့်ပြီးခါမှ ရုတ်တရက် ကြောက်စိတ်ကြောင့်ကျွန်တော့်ခြေထောက်တွေ တွန့်ဆုတ်သွားပြန်တယ် ။ မဖြစ်သေးပါဘူး .. ဒီအတိုင်းဆို မဖြစ်ပါဘူး ။

မီးဖိုဆောင်ဖက်ထွက်လာပြီး BL ၂ ပတ်လောက် ရဲဆေးတင်လိုက်တယ် ။ အိမ်ကကားကို လဲဦးမှာပါပဲ ။ လက်ရှိစီးနေတဲ့ ကားက မော်ဒယ်အောက်နေပြီ ၂၀၁၃ ဆိုတော့ အခု ၂၀၁၄ ထွက်နဲ့ချိန်းဖို့ပြောထားတာ မနက်သွားဦးမှ အော် .. အတွေးတွေကလည်း ဟိုရောက်လိုက်ဒီရောက်လိုက်နဲ့ဘာမှကို မတည်ငြိမ်ပါလား ။ ဟူးး စိတ်ကို ငြိမ်ငြိမ်ထား ... စမ်း စိတ်ကို ငြိမ်ငြိမ်ထား ။ အခန်းတံခါး ဒိုးလော့ခ်ကို အသာလေး ဆွဲလှည့်လိုက်တယ် ။ ငြင်ငြင်သာသာပါပဲ တံခါးပွင့်ထားတယ် ။ အခန်းကျယ်ထဲမှာ ၈ လက်မအထူရှိတဲ့ ၂ယောက်အိပ်မွေ့ယာကြီးနဲ့ လှပတဲ့ ကျွန်းကုတင်ကြီးတစ်လုံး ။ လေအေးစက်က စိမ့်နေအောင် အေးတာမို့ ကျွန်တော့်ကြောက်စိတ်ကို နည်းနည်း ပိုများစေတာများလား ။

အပြာနုရောင် ခြုံစောင်အောက်မှာ တစ်ဖက်လှည့်အိပ်နေတဲ့ မိန်းမပျိုတစ်ယောက် ။ ဟူး ... ဘာလဲကွာ တရားဝင်ဇနီး မယားဖြစ်နေပြီပဲ ငါဘာကြောက်နေတာလဲ ဒီမှာ မအိပ်လို့ငါဘယ်မှာအိပ်မလဲ ဟုတ်တယ် သွားစမ်း ခြေထောက်တွေမြန်မြန်သွား ကိုယ့်ကိုယ်ကိုအားပေးရင်း ကုတင်နားချင်းကပ်လာမိတယ် ။ BL ၂ ပက်က တကယ်တော့လည်း ဘာမှ မစွမ်းဆောင်နိုင်ပါဘူး ။ အပြင်မှာ မိုးကလည်း အေးစိမ့်စိမ့်လေးရွာနေတယ် ။ တချက်ချက် လမ်းမထက်ကပေါ်ထွက်လာတဲ့ မိုးခြိမ်းသံကလွဲလို့ ဘာမှမကြားရဘူး ။ သိပ်ချစ်ရတဲ့ မိန်းမပျိုတစ်ယောက် ည ဆယ်နာရီခွဲခါနီးအချိန် သူ့ရှေ့ကကုတင်ပေါ်ရောက်နေတာ တကယ်ကြောင်စီစီနိုင်တယ်လို့ သူ့ကိုယ်သူ ပြန်မတွေးမိအောင်မနည်းထိမ်းချုပ်ထားရတယ် ။

စောင်ပါးလေးမို့ ခန္ဓာကိုယ်ကောက်ကြောင်းက အထင်းသား ပေါ်လွင်နေတယ် ။ တထိတ်ထိတ် တုန်ခါနေတဲ့ လက်အစုံက အဲ့ဒီ စောင်ပါးကို ဘယ်လို များ ဖယ်ခွာလိုက်ရမလဲ ။ အခုချိန်နိုးလာပြီး အလာပ သလာပ ထပြောရင်သိပ်ကောင်းမှာပဲ ။ ဘေးနားက မှန်တင်ခုံပေါ်သွားထိုင်ရင်ကောင်းမလား ။ ဒါမှမဟုတ် ကုတင်ပေါ် ဖွဖွလေးတက်ပြီး အိပ်ရင်ကောင်းမလား ။ သူ့ရှေ့က အမျိုးသမီးကို လှုပ်နှိုးရင်ကောင်းမလား ။ ဟုတ်ပါတယ် တလောကလုံးအလှဆုံးဆိုတဲ့အမျိုးသမီးကို သူရအောင်ယူထားတာပါ ။ သူများတွေလို ငွေနဲ့သိမ်းပိုက်တာလည်းမဟုတ် နှစ်နဲ့ချီပြီး တည်ဆောက်ထားတဲ့ချစ်ခြင်းမေတ္တာက ကျွန်တော်တို့ ၂ ယောက်ကြား ထုနဲ့ထည်နဲ့ရှိပြီးသား အခု ကျွန်တော် ဘာဆက်လုပ်ရမလဲ စဉ်းစား ..စမ်း ။

တုန်ခါနေတဲ့ရင်အစုံကို အခါခါ ထိမ်းရင် ကျွန်တော် စောင်ပါးလေးဆီလက်လှမ်းလိုက်တယ် ။ “ ဂျိမ်း ” .. မိုးခြိမ်းသံကြောင့် ဆက်ကနဲ လက်ကို ပြန်ရုပ်လိုက်ရတယ် ။ သူ နိုး များ .. နိုးနေတာလား .. ဟူးး .. ပင်ပန်းလိုက်တာ .. မိန်းကလေးတစ်ယောက်ရဲ့ ခန္ဓာကိုယ်ပေါ်က အပြာနုရောင်ခြုံစောင်ပါးပါးလေးကို ဖယ်ထုတ်ဖို့ ဘာလို့ ဒီလောက်ခက်နေရတာလဲ ။ ကျွန်တော်တွေးရင်း ရှေ့ဆက်တိုးတော့ သူ့ဆီကစကားသံထွက်လာတယ် ။

“ မောင် .. ဘာလုပ်နေတာလဲ .. ကျမ ချမ်းလှပြီ ”

ဟော .. သူ ချမ်းနေတယ်တဲ့ အဲ့ဒါ ဘာကိုဆိုလိုတာလဲ ကျွန်တော်ကိုဖက်ထားဖို့ပြောတာလား ဒါမှမဟုတ် ... အားတင်းစိတ်နဲ့ ခြုံစောင်ကို ကျွန်တော်ဆွဲဖယ်လိုက်တယ် ။

“ ဟင် ” ပေါ့ရွှတ်ရွှတ်ကြီး .. စောင်က ဖျက်ကနဲပါလာတယ် ခြေထောက် .. ခြေထောက် တွေ ဘယ်မှာလဲ .. သူ့ခြေထောက်တွေဘယ်ရောက် .. တွေးလို့မဆုံးသေးဘူး ကျွန်တော့်ဖက် ကို သူလှည့်လာတယ် ။

“ မောင်က သတ္တိ သိပ်နည်းတာပဲ ” “ အားးးးးးးးး ” အသက်ကို မနည်းရှူနေရတယ် မျက်နှာ ...မျက်နှာလည်းမပါဘူး

“ လာလေ .. မောင် လာ ဆို .. ” ပြောပြောဆိုဆို ဆန့်တန်းပေးတဲ့ လက်နှစ်ဖက်ကြောင့် နောက်ပြန်လှည့်ပြေးဖို့ကြိုးစားပေမယ့် ကျွန်တော့်ခြေထောက်တွေ လှုပ်မရတော့ဘူး ။ နီးလာပြီ လက်၂ ဖက်က တဖြည်းဖြည်း ရှည်ထွက်လာတာလား ... ကျွန်တော့်ဆီ ရောက်လုရောက်ခင် အားကုန် ကျွန်တော့်ခြေထောက်တွေကို နောက်ပြန်လှည့်ချလိုက်တယ် ။

“ ဒုန်း ”

“ ဟဲ့ ဘာဖြစ်တာတုန်း အော် .. ဒီလူကတော့ ထရံတွေကျိုးကုန်တော့မှာပဲ လျှောက်ကန်နေပြန်ြ့ပီအခန်းကကျဉ်းရထဲကြားထဲ .. တော်မအိပ်နိုင်သေးဘူးလား မအိပ်နိုင်လည်းအပြင်ထွက်နေ မနက်ဈေးရောင်းရမှာ တော့်လို အလေလိုက်နေတာမဟုတ်ဘူး ”

“ ဘုရား ..ဘုရား ” အလန့်တကြားမျက်စိဖွင့်ကြည့်တော့ မျက်စိမှိတ်ရင်း ပြောနေသော ဇနီးသည်ကိုတွေ့လိုက်ရသည် ။ ငါ .. အိပ်မက်မက်နေတာပါလား ။ ကမန်းကတန်းဘေးနားက ရေအိုးဆီကရေတစ်ခွက်ခပ်သောက်လိုက်တယ် ။

“ တောက် .. ဘယ့်နှယ့် ခြေထောက်တွေက မပါရတာတုန်း မျက်နှာကမပါရတာတုန်းကွာ ကောင်းခန်းရောက်မှ .. တောက် ” ကိုယ့်ကိုယ်ကိုမကျေမနပ်တွေးရင်း ဆေးပေါ့လိပ်တစ်လိပ်ကို ကောက်ဖွာမိပါတော့တယ် ။

နေဝန်းနီ{မန္တလေး}
2552014
11:45 pm

Posted in: ဆောင်းပါး